Wat drie Amerikaanse lughawens jou leer van Covid-19 en politieke leierskap

LAAS Woensdag het The New York Times 'n storie op sy voorblad gehad dat die Europese Unie bereid is om Amerikaners uit sy politieke en ekonomiese sone te hou omdat die VSA nie die verspreiding van Covid-19 kan beheer nie.

“Daardie vooruitsig, wat Amerikaanse besoekers oor dieselfde kam skeer as Russe en Brasiliane en hulle onwelkom maak, is 'n taai klap vir Amerikaanse aansien in die wêreld en 'n repudiasie van pres. [Donald] Trump se hantering van die virus in die VSA," het die koerant gesê.

Hoe op aarde het sake só uitgedraai? Vir baie van ons wat in die 1980’s en 1990’s in die skadu van die Koue Oorlog grootgeword het, was die VSA 'n baken van wetenskaplike en mediese bekwaamheid. Dit was 'n land waarna jy jou gewend het vir wetenskapgedrewe innovasie en oplossings vir die mensdom se probleme. Rusland was die land van Tsjernobil; die VSA was die man op die maan en die “reusesprong vir die mensdom". Wat kon gebeur het dat die land só laag gesak het in sy hantering van Covid-19, laat staan nog internasionale diplomasie en leierskap?..