Leeubedryf ‘soos skaap voor slagter’

DIE feit dat die Suid-Afrikaanse wild- en jagbedryf geen ondersteuning van die regering kry nie, is ’n “aanduiding van die sukses van die diereregtegroepe se aanslag op die bedryf. Die bedryf word eintlik nou vanaf die sitkamerbanke in Amerika en Europa beheer”, sê André Mentz, president van die Suid-Afrikaanse Predatorvereniging (Sapa).

Die huidige ekonomiese krisis in dié bedryf is eintlik net nog ’n spyker in die kis van jag as toerisme-aktiwiteit, meen Mentz. Veral die leeujagbedryf kry al die laaste paar jaar die wind van voor.

“Die beperkinge wat Amerika op die invoer van trofeë geplaas het, het reeds die afgelope drie jaar ’n geweldige uitwerking op die bedryf gehad,” sê Mentz...