Die Ace-terman gryp in teen pogings om misdaad te privatiseer

ILLEGITIMI NON CARBORUNDUM

Die Ace-terman gryp in teen pogings om misdaad te privatiseer

Die knaende vermoede dat sommige van Suid-Afrika se munisipaliteite sub-optimaal presteer, het die regerende alliansie genoop om die hulp van C. LOUISE KORTENHOVEN se departement in te roep ten einde beter bestuurspraktyke op grondvlak te help vestig.

DIE onthulling die afgelope week dat ’n man in hegtenis geneem is nadat hy hom as die ANC-burgemeester van ’n groot metroraad voorgedoen het, het tot groot konsternasie in die regerende alliansie gelei. ’n Noodplan is in werking gestel en lede van die departement djenderstudies aan ons universiteit is getaak om die situasie te beredder.

Om etiese redes mag ons nie onthul wie namens die alliansie met ons vergader het nie, so kom ons sê maar net hy is ’n voormalige provinsiale Gauleiter wat deesdae selfs hoër op in die ANC is – báie hoër. Kom ons noem hom Die Ace-terman, soos hy blykbaar in sommige kringe bekend staan.

Die verskynsel van die man wat sy lyf burgemeester gehou het, is om verskeie redes onrusbarend, het Die Ace-terman aan ons gesê. Hy het kortweg die booswig se meesterplan vir ons uiteengesit: adverteer ’n pos op Facebook in die regte burgemeester se naam; belowe aan die entoesiastiese respondent ’n werk in die munisipaliteit wat R1 miljoen betaal op voorwaarde dat sy eers R200,000 kontant opdok; belowe haar ook dat sy die stad se first lady sal word sodra die transaksie afgehandel is; vra haar dan om die kontant in ’n plastieksak in ’n vullisdrom by die taxi rank te sit en te wag vir verdere instruksies. Gelukkig het die potensiële slagoffer deur dié slinkse plan gesien en die polisie gebel, wat in ’n onverwagte wending opgedaag én selfs die man gearresteer het toe hy die R200,000 uit die drom wou gaan haal het...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.