IETS wat die meeste mense buite die VSA waarskynlik nie weet nie, is dat elke stembriefie in hierdie land se presidensiële verkiesing ’n spasie insluit waar jy enige naam van jou keuse kan neerskryf en dan vir daardie individu kan stem. Daar is derhalwe niks wat ’n mens keer om ’n kruisie te trek agter jou eie naam, of dié van jou skoonma, haar skoothondjie of die persoon wat jou mees onlangse tatoeëermerk aangebring het nie.

In 2016 was dit vir ’n groot aantal Amerikaanse stemgeregtigdes baie moeilik om tussen twee vure te kies, toe Hillary Clinton én Donald Trump gesukkel het om by die kieserspubliek aanklank te vind. Tot soveel as 11,000 mense het gevolglik na bewering daardie jaar gestem vir Harambe, ’n 17 jaar oue silwerrug-gorilla wat tragies doodgeskiet is toe ’n kind ’n paar maande voor die verkiesing by sy hok in ’n Ohio-dieretuin ingeval het.

Vandag staan die Amerikaanse kieser voor ’n ewe moeilike keuse tussen twee kandidate wat albei aan die verkeerde kant van 70 staan...

DEEL