Die Groot Kwytskelding: Trump red wat hy kan om sy bas te beskerm

VIR jare sal geskiedskrywers die Donald Trump-regime ontleed en beskryf en, soos in die geval van die Adolf Hitler-era, lesse probeer uitlig vir die demokrasie – oor die hoe en die wat en die waar van sy opkoms as politieke leier, sy ondersteuners, sy invloed op die samelewing, en sy uiteindelike ondergang.

Dit is nog te gou om die langtermyn-uitwerking van pres. Trump se regime (volgens die Oxford English Dictionary “ ’n regering, veral 'n outoritêre een”) te ontleed. Net die tyd sal leer of sy vier jaar aan bewind permanente skade aan die Groot Demokratiese Eksperiment aangerig het.

Maar daar behoort eenstemmigheid onder waarnemers te wees dat die Trump-bewind een van die mees outoritêre en korrupte was wat Amerika nog beleef het sedert die Amerikaanse grondwet 233 jaar gelede onderteken is. Dis net die dun grys lyn van professionele amptenary wat tussen hom en 'n meer outoritêre toekoms gestaan het...