NOTISIES UIT DIE KLUBHUIS

’n Klein groen eiland in hierdie tye van skaarsheid en vrees

ILZE OLCKERS, 'n lid van die Vrye Weekblad-gemeenskap, vertaal die laaste paar jaar al haar gunsteling-gedigte uit Engels in Afrikaans. Sy noem dit haar ‘mother tongue healing practice'. Na aanleiding van ons leefstylredakteur, Annelize Visser, se skrywe dat vertaling 'n boeiende onderneming is wat jou vir ’n tyd lank uit die wêreld verplaas, het Ilze vir ons haar lieflike vertaling van Rumi se A Small Green Island gestuur.