Thabo, Flip en Kie: ’n poëtiese gedagte en baie landmyne

MET die eerste oogopslag lyk dit na 'n uitstekende idee wat alle regdenkende Suid-Afrikaners behoort te verwelkom en aanmoedig.

Die staat sukkel erg, misluk selfs op vele terreine. Dienste en administrasie stort ineen terwyl armoede, werkloosheid en polarisasie toeneem. 'n Ommekeer is nie op die horison sigbaar nie en die regerende party is verlam en verrot.

Daar is burgers met gespesialiseerde kennis, hope energie, 'n sterk werksetiek, bewese prestasie en heelwat ervaring wat kan inspring en 'n wesenlike verskil kan maak – in hulle eie én in die breër belang. Dit is juis dié mense wat gemarginaliseerd en bedreigd voel, so om hulle deel van die oplossing te maak, kan 'n dubbele voordeel hê...