Die koste van korrupsie loop baie dieper as rand en sent

’n GOUE reël vir korrupsie kan soos volg uitgedruk word: “Moenie toelaat dat korrupsie meer kos as die hoeveelheid geld wat in werklikheid gesteel word nie.”

Paul Holden het onlangs voor die Zondo-kommissie getuig dat Gupta-verwante entiteite byna R50 biljoen in betaling ingehark het vir goedere en dienste wat aan die staat gelewer is. Ek het nie sy getuienis aangehoor nie, maar volgens sommige is die hele bedrag gesteel en geen waarde is vir Suid-Afrika gegenereer nie.

Dit is natuurlik nie waar nie: Hoewel van die “transaksies” eenvoudig op selfverryking neerkom, is dinge meer ingewikkeld met die grootstes. Daar was byvoorbeeld hope korrupsie betrokke by Transnet se aankope van lokomotiewe – verreweg die grootste van die transaksies behels sowat die helfte van die R50 biljoen. Maar dit is nie die geval dat die hele kontrak geen waarde geskep het nie: Daar is betaal vir lokomotiewe en dit word gelewer, hoewel beduidende fasiliteringsfooie aan Gupta-verwante mediums betaal is...