Oor minagting en geregtigheid

EK weet Jacob Zuma het hierdie land besteel, ons almal gekoggel en ons Grondwet en sy waardes geminag. Maar hoe reageer jy op ’n ou man in sy 80ste jaar se streke, gekkerny en dwaashede, hoe listig ook al? Met Europese hardvogtigheid of met Afrika-ubuntu? Ons sug van verligting dat oudpres. Zuma uiteindelik sy welverdiende oranje oorpak dra, moet opgeweeg word daarteen dat jy moontlik geen ander 80-jarige persoon in ons tronke sal vind nie.

Wat sou die Afrika-manier wees om op te tree teen ’n ou leier wie se hubris die oppergesag van sy land bedreig? En moenie die fout maak om ons Grondwet as Eurosentries te sien nie. Want dan het jy vergeet dat dit dié dokument is wat op die mees inklusiewe wyse in ons geskiedenis saamgestel is, en dat elkeen in ons land uitgenooi was om ’n bydrae daartoe te lewer. Dit is grootliks deur die idealiste in die bevrydingstyd opgestel in ’n proses wat die voorheen bevoordeeldes met agterdog vervul het, omdat fundamentele regte wat hulle vir 300 jaar geminag het, daarin vooropgestel is.

Geboortesertifikaat van ’n vrye Suid-Afrika..