Ken jou CRT van jou CR17 (en selfs jou CR7)

HUMEURE vlam maklik op as jy frases soos “Critical Race Theory”, “wokeness” of “wokeism”, “identiteitspolitiek”, “Black Lives Matter”, “bevoorregting”, “strukturele rassisme” of selfs “kulturele Marxisme” in ’n gesprek sou gebruik. Dié onderwerpe is ineengestrengel en ’n mynveld van akademiaanse terminologie, en mense aan dieselfde kant van die argument gebruik soms heel uiteenlopende definisies van waaroor dit alles gaan.

Selfs as jy bloot die Engelse afkorting “CRT” gebruik om na sogenaamde kritiese rasteorie te verwys, sal sommige mense klaar sê jy is aan die kant van wit mense in die algemeen, en die reaksionêres, rassiste, regses, setlaars of neokolonialiste in die besonder, onder meer omdat Trumpelinge dit graag gebruik.

Dieselfde fyngevoeligheid duik nie op as jy byvoorbeeld na Cyril Ramaphosa se 2017-verkiesingsveldtog as “CR17” of na die Portugese sokkerheld Cristiano Ronaldo as “CR7” verwys nie, so waarom al die bohaai?..