SA se gesukkel met permitte kan 180,000 Zimbabwiërs oornag onwettig maak

DIÉ Zimbabwiërs is nie alleen nie. Hulle tydelike vrystellingspermit (Zimbabwean Exemption Permit) en ’n soortgelyke spesiale permit vir Angolese burgers verval op 31 Desember vanjaar. Met slegs ses maande oor, sê die departement van binnelandse sake nog bloedweinig oor wanneer ’n beslissing hieroor gaan kom.

Siya Qoza, woordvoerder vir dr. Aaron Motsoaledi, minister van binnelandse sake, het op ’n rits vrae van Vrye Weekblad bloot geantwoord dat ’n “aankondiging oor die ZEP mettertyd gemaak sal word”. Hy kon nie sê wanneer nie.

Dieselfde geld die Angolese permit. Onder die Zimbabwiërs, van wie nagenoeg 197,000 in 2017 vir die ZEP aansoek gedoen het, is ook die grootste groep wat in regeringsposte dien. Dit sluit in onderwysers in veral die landelike skole in Limpopo en verpleegsters en dokters in hospitale oor die hele land heen. Tientalle studente studeer ook aan plaaslike universiteite...