Verstommende diversiteit in die wêreld van die anti-vaxxers

VERLEDE week het ek iemand ontmoet wat op 'n vreeslike geheim sit. Sy lewensmaat weet, maar sy vriende nie. Wat sou gebeur as hulle uitvind? Hy het sy kop geskud, hy kon homself nie eens die skande indink nie. Sy vreeslike geheim? Hy is ingeënt.  

Sedert sy bisarre bekentenis het ek gaan rondkrap op plekke op sosiale media wat ek gewoonlik vermy om die wêreld waarin 'n mens verstoot word as jy 'n verantwoordellike grootmens is te probeer verstaan (of minstens om ondersoek in te stel daarna). En ek moet sê, ek het 'n wêreld van verstommende diversiteit daar gevind. 

As jy deur die Facebook- en Twitterblaaie soek van die mense wat nie ingeënt wil word nie en van die passievolle anti-vaxxers, kom jy af op baie ryk wit mans wat wil hê die Kaap moet afstig, én op jong swart vroue wat passievolle ondersteuners van radikale ekonomiese transformasie (RET) is.  ..