Die moraliteit van die strewe na immortaliteit

LANK SAL ONS LEWE!

Die moraliteit van die strewe na immortaliteit

Die strewe na onsterflikheid was maar altyd ’n hersenskim beperk tot strippe en wetenskapfiksie. DOUW STEYN het egter vasgestel dat filosowe ál meer betrokke raak in die polemiek.

DIE strewe na onsterflikheid (of dan minstens ’n langer gesonde lewe) is nie meer net die domein van wetenskapfiksie nie. In die artikel “Ouderdom: die laaste siekte" (Vrye Weekblad van 18 Desember 2020) het ek die vordering in dié verband bespreek, veral die poging om veroudering as ’n siekte te klassifiseer wat dan hopelik behandel kan word.

Dat biljoene dollar in die lewensverlenging- en verwante industrieë belê word, moet ook ’n duidelike aanwyser wees van die fabel se metamorfose. Dit trek ook biljoenêrs soos brommers na ’n mishoop. Larry Page, mede-stigter van Google, het ’n belang by Calico, ’n biotegnologiemaatskappy met die gestelde doelwit om mense langer en gesonder te laat leef. Jeff Bezos van Amazon word weer verbind met Altos Labs, Silicon Valley se nuutste weddenskap op die ewige lewe.

Dan is daar die Chan Zuckerberg Initiative (CZI), wat 99% van Mark Zuckerberg en sy vrou, Priscilla Chan, se Facebook-welvaart gaan ontvang.  Hierdie edele liefdadigheidsorganisasie wat die wêreld ’n beter plek vir almal wil maak, dui ook aan dat hulle die “wetenskap en tegnologie wat dit moontlik sal maak om teen die einde van die 21ste eeu alle siektes te genees, te voorkom of te bestuur”, ondersteun. Onthou, oudword is nou ook ’n siekte!..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.