’n Groot jaar vir ‘klein’ partye

Die politiek kan jou nederig maak, ’n toontjie laer laat sing. John Steenhuisen, die DA se leier, sal weet waarvan ons hier praat: “Eating humble pie” is immers ’n bekende uitdrukking in sy moedertaal.

Omtrent so vyf dae voor die plaaslike verkiesings op 1 November het Steenhuisen by ’n laaste saamtrek in Pretoria aan kiesers gesê: “Don’t mess around with these small parties. I promise you: they are like a one-night stand.” O, ja? En verder sê die leier van die amptelike opposisie toe: “They will never return your call after the election. They will never pay the bill after the dinner. You will never see them again.”

Wel, dinge het toe ietwat anders verloop. Waar die DA dan tóg die meeste stemme van al die opposisiepartye gewen het, het hy – behalwe in die Kaapstadse metro – die steun van die ander nodig gehad om beheer by die ANC af te neem...

Deel