Nuwe minimum loon: Kom ons stap in ’n huiswerker se skoene

Vroegoggend, soms al lank voor seweuur, kom die eerste vroue (en mans) aan. Sommige sou die drie kilometer van die Spar af gestap het – die meeste taxi’s na ons woonbuurt stop daar. Ander sou langs die pad ’n lift gekry het van mense wat kinders by die skool gaan aflaai het. Daar is ook ’n private taxi of twee wat groepe mense by die ingang aflaai.

’n Groepie mans vang ’n rokie teen die heining van die sekuriteitshokkie. Daar word heen en weer gegroet en geselsies gemaak voor almal begin afsuiker na die huise en tuine waar hulle werk. Laat vanmiddag sal almal weer hier op die hoek bymekaar kom. En dan begin die uittog, terug huis toe. Lifts bedel. Stap. Taxi vang.

Ons sleep die verlede saam..

Deel