Die Suid-Afrikaanse Inheemse Talemonument (of so iets)

SO, Nathi Mthethwa, minister van sport, kuns en kultuur, het weer ’n lucidum intervallum beleef. ’n Oomblik van helderheid. Wat volg, is satire en geensins op enige waarheid gegrond nie. Dis als leuens, van begin tot einde.

My eerste refleksreaksie was dat die man al weer kom krap waar dit nie jeuk nie. Die onbevoegde, lui, visielose vetkatte van die ANC het niks beter om te doen nie. Hulle kan nie eens ’n suipsessie in ’n brouery orkestreer nie. 

Nou kom krap die nie-so-wel-ter-tale-nie man weer die leeu se knaters. Ons is al moeg daarvoor; vuisvoos in fêêêct, met dié opsetlike aanwakkering van verdeeldheid. Hulle weet presies waar die snellers lê om ’n man se andersins impotente verdraagsaamheid teenoor Eskom, die spoorweë, die Springbok, korrupsie, ag-jinne-you-name-it, te kom omellie. Mens voel hopeloos, want sakiemaak of jy ’n ding kán doen nie, hulle hoor jou nie – in Afrikaans – nie. Kan julle my nie maar net uitlos nie?..

Deel