Gwede, Flip, Helen en Thulas bemark semels vir graan

SOMS uiter mense in gesagsposisies bisarre uitsprake en om die een of ander duistere rede word hulle nie onmiddellik – of selfs by nabetragting – uitgedaag om hulleself te verduidelik nie.

Daar is nie, soos Stephen Grootes altyd sê, “immediate pushback” deur die media of die openbare mening nie. Op ’n manier word nagelaat om invloedryke elite en meningsvormers verantwoordelik te hou vir hulle onnadenkende of selfs opportunistiese uitsprake. Dit het ontsaglike gevolge vir die nasionale konsensus wat betref die werklikheid en die waarheid. Bisarre opinies word uiteindelik openbare mening.

Blykbaar het die Nazi-propagandaminister Joseph Goebbels gesê as ’n leuen dikwels genoeg herhaal word, sal almal dit later as ’n werklikheid en waarheid aanvaar. My wrewel en Goebbels se bose intensies bring my by Gwede Mantashe, Flip Buys, Helen Zille en Thulas Nxesi...