Die onvermydelike gang van ’n ANC wat in vlamme opgaan en gate stop

BAIE jare gelede was ek die spookskrywer vir ’n boek vir ’n heldersiende medium wat, soos ons later uitgevind het, om een of ander rede nie kon voorspel hoe vreeslik min van die boeke verkoop sou word nie. 

Dit was ’n lekker werksverhouding. Sy het visioene gehad, maar was vreeslik sjarmant, wat beteken het sy het nie net baie goed met my oor die weg gekom nie, maar ook met al die onsigbare dooies wat op ons sessies ingesit het.

Ek het die proses gerusstellend bekend gevind. Ek was in daardie tyd ’n sportskrywer en dus heeltemal gewoond daaraan om met mense wat nie heeltemal teenwoordig is nie te gesels, of om voorspellings te maak wat nie waar word nie en dit dan te verduidelik op ’n manier wat dit laat klink of ek eintlik heeltyd reg was. ..