Wat julle dink van VWB 3.0

LESERS SE MENINGS

Wat julle dink van VWB 3.0

As ons sommige lesers vies en ander bly maak, bied ons sekerlik 'n redelike verskeidenheid.

Môre! Ek hou van daai nuusflitse aan die begin – en die weer! Laat mens die dag met 'n glimlag begin – die weer bedoel ek, nie altyd die nuus nie. Terloops, sê vir Willem IN 'n stadium sowel as OP 'n stadium is Goeie Standaardafrikaans à la die nuwe HAT 🤭. Maar die storie geinterview – nee o vrek, daar trek ek die streep. En nee, ons lees juis VWB omdat dit in ons eie taal is.  Ek meng myne ook wanneer ek praat en soms wanneer ek informeel skryf. Hou maar die artikels/berigte in Afrikaans. Julle gaan lesers verloor as dit 'n tweetalige blad raak. Dis juis soveel anders as die gewone dagblaaie se twak. En baie meer insiggewend. Ek dink 'n groot gros Afrikaanssprekendes voel alreeds uitgeskuif en “aangeval". Ja, ons verstaan almal Engels – dikwels selfs beter as die Engelse – maar VWB is 'n Afrikaanse publikasie. Sterkte vir al julle beplanning.
– Marietjie op Stilbaai

Hi Anneliese. Such a pity, but I have become so disillusioned with VWB. There is a brilliant side exhibited by some of your writers and contributors, like Max du Preez, Piet Croucamp and several others, but I've become so fed-up with the platvloersgeit of others, that I cannot abide seeing the VWB in my inbox anymore!  Perhaps it's solely my hangup inherited from a strict Afrikaans mother's upbringing, but I cringe every time I come across this sort of stuff in your paper: “Die Camden-kragstasie is van die netwerk gehaal toe ’n werknemer, wat beslis van beter moes weet, klaarblyklik met opset die verkeerde klep oopgemaak het. In die proses het besmette water in die stoomketel beland. (Die drol in die drinkwater?)" There are more examples in this issue, but let's leave it at that. Take care.
– Bonnita Hill

Baie dankie vir hierdie daaglikse briewe. Kort bindende stories is altyd welkom. Die skeppers van die nuwe uitleg verdien ook baie lof. Net een ding: Hou asb. by sterk swart letters op wit agtergrond. Die wishy-washy vaal-room rante en selfs skrif (aan einde van die stuk) is feitlik onleesbaar. Vir ons ouerwordende (fancy naam nou vir ons?) geslag is dit omtrent onsienbaar. Gebruik liewers kleure soos rooi, of groen of moontlik blou. Enige oogkundige sal weet watter kleure werk. Ek het darem al my predikant amper sover gekry om kennisgewings en sangdele op gewone  swart op wit te plaas. Dankie vir die moeite en alle sukses. Vriendelike groete.
– B. Esterhuizen..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.