Die boekebedryf: dinge gaan nou vinnig verander

DAAR is ’n nuutskepping wat sedert 2013 die ronde doen in die sosiale media. “Vellichor” het sy eerste verskyning gemaak op John Koenig se woord-webwerf, The Dictionary of Obscure Sorrows. Dit beskryf die melancholiese gevoel wat die reuk van winkels vol ou boeke by mens opwek, “…. soos ’n ou vertrek wat die skrywer jare gelede verlaat het, ’n versteekte anneks waarin gedagtes rongestrooi lê, gelaat net soos op die dag wat hulle in woorde omskep is”.

Boekliefhebbers het ’n vreemde, intense verhouding met boeke. En boeke is een van verskeie nie-essensiële items wat niemand nou te koop kan kry nie. En of jy nou “vellichor” ervaar as jy in ’n ou boekwinkel instap, of ’n nuwe boek oopkraak en die vars papier-en-gomreuk jou met ’n ander, eiesoortige opwinding vul, die feit bly staan: Boeke is ’n passievolle saak.

Boekbekommernis in die tyd van corona..