LUISTER | Die toekoms van sport

COVID-19 het die ganse sportwêreld tot 'n stilstand geruk. Byeenkomste is gekanselleer en in die meeste gevalle is geen toeskouers toegelaat by dié wat wel voortgegaan het of hervat is nie. 

Baie sportliefhebbers sit in sak en as en spelers, klubs en sportliggame wonder óf en hóé  hulle gaan oorleef. Maar hierdie is eintlik die ideale geleentheid om te besin oor die toekoms van sport – en veral hoe tegnologie aangewend kan word – sê Pieter Geldenhuys, 'n strateeg en toekomskundige en direkteur van die instituut vir tegnologie, strategie en vernuwing aan die Noordwes-Universiteit. 

As ons sportsterre van wêreldgehalte wil ontwikkel, sê Geldenhuys, moet ons tegnologie gebruik. Sportliggame en -bestuurders sal na hulle sakemodelle moet kyk indien hulle relevant wil bly en vir sportliefhebbers sal tegnologie ook 'n heel nuwe ervaring wees...