RALF SCHMITT was in die laerskool toe hy op 'n dag hoor hoe Zwai Bala en die Drakensberg-seunskoor “I see a land" opvoer. Net daar het hy verlief geraak op koormusiek. “Ek wil dit ook doen," onthou Schmitt die kragtige uitwerking wat daardie liedjie op hom gehad het.

Hy word uiteindelik vir ses jaar self 'n Drakie, en dit is in die jaar nadat hy matriek by Kearsney College klaargemaak het en hy terug is na die skool in die groen heuwels om vir 'n jaar as studente-dirigent te werk, dat hy opnuut besef al wat hy wil doen, is musiek maak. 

“Ek het nog altyd 'n liefde gehad vir komponering en herskryf, en ek is toe Tuks toe om musiek en nie regte nie te studeer," vertel hy. “En ek hou daarvan om op te tree, om te komponeer en klas te gee, en 'n koor is 'n wonderlike platform om al drie daardie elemente bymekaar te bring."..

DEEL