‘Unbecoming’ ontlok vuige heksegeskater

Het jy al gehoor van Joanne Fedler? Sy het aan Wits regte studeer en daarna aan Yale. Haar eerste boek, The Dreamcloth, is benoem vir die Sunday Times-fiksieprys.

Haar jongste boek, Unbecoming, is een van Penguin se nuwe publikasies, met die lokreël: “There are secrets in the wild country they call midlife.”

Soos die skrywer is die verteller, Jo, in Suid-Afrika gebore en het sy en haar man na Australië geëmigreer. Sy is in haar middel-50's, haar kinders is volwasse, maar woon steeds tuis. Toe hulle klein was, het sy hulle oorlaai met liefde, maar nou het hulle vreemdelinge geword. Haar mening oor moederskap: “You’re caught in another person’s life cycle, their childhood, school years, teen angst and adult decisions. You get to be an extra in someone else’s story ... If you’re not giving up your life for your kids, you’re not doing your job.”..