Stof tot stof: Die Koppi is stil vanjaar

MENS kan Boors Bornmann van Limpopo maar Suid-Afrika se Max Yasgur noem.

Die verskil is wel dat hy nie, soos Yasgur, bloot sy plaas aan ’n klomp jongmense beskikbaar gestel het vir die Woodstock-fees nie. Bornmann en sy vrou, Tess, was self diep betrokke by die ontkieming en bloeijare van die legendariese jaarlikse Oppikoppi-musiekfees.

In ’n perfekte wêreld sou dit weer hierdie naweek, oor die Vrouedag-langnaweek, plaasgevind het. Maar ons gaan dit na alle waarskynlikheid nooit weer beleef nie, veral nie in die Bosveld nie...