Die mesmakers van Mzansi

SLYP JOU LEM

Die mesmakers van Mzansi

Van dolke wat vir honderdduisende rande in Amerika van die hand gesit word tot handgemaakte kombuismesse wat op plattelandse markte verkoop word, mesmaak is 'n multibiljoenbedryf in Suid-Afrika. ANNELIESE BURGESS praat met drie mesmakers, met heel uiteenlopende filosofieë, oor wat hulle inspireer om dié eeue oue kuns te beoefen.

Funksioneel en uit die hart

DIE Bull Shark is 'n plomperige vleisbyl, die Shad het 'n lang, dun lem en die Hammerhead s'n lyk soos sy naamgenoot uit die oseaan – vierkantig, iewers tussen 'n klassieke sjefsmes en klein klower. Dit is net drie van Hew Morris se reeks lieflike kombuismesse wat hy in sy klein werkswinkel net buite Oos-Londen maak. Elkeen word geïnspireer deur die “kronkelende grondpaaie, riviere en see" van sy geliefde Wildekus, waar hy groot geword het.

Morris het kuns aan die Rhodes-universiteit gestudeer en daarna vir lank as 'n fotograaf in die advertensiewêreld in Johannesburg gewerk. Maar hier iewers in 2014 begin hy die ekonomiese inkrimping in Suid-Afrika aan eie bas voel. Werk in die advertensiewêreld het begin opdroog en uiteindelik sê Hew “het hy net te lank probeer vasbyt". Teen die tyd wat hy en sy vrou, Fel, besluit om terug te trek na sy grootworddorp, is hulle bankkrot en desperaat, maar in 'n ou plaashuis in 'n bloekombos bo-op 'n heuwel bo die mond van die Gqunuberivier begin hulle stadig 'n nuwe lewe bou. ..

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X