*s jy hie*d*e k*n l*es, sp**l j* w**rs*k*n*l*k re*ds W*rd*le

KOM ons spring oor al die vervelige dele soos wie Wordle geskep het en hoekom: Gaan lees gerus al die ensiklopediese feite op Wikipedia (https://en.wikipedia.org/wiki/Wordle_(video_game)) as jy belangstel en nog nie het nie. Die speletjie is hier (https://www.powerlanguage.co.uk/wordle/), as jy dit self wil speel en nog nie het nie.

Voorwaarts na 'n veel interessanter punt: Hoe het dit gebeur dat 'n aanlyn woordspeletjie wat jou niks kos om te speel nie, waaruit niemand noemenswaardig baie geld maak nie, en wat tegnologie en grafika inspan wat min of meer dekades lank al alledaags is, nogtans een van die eerste groot trends van die jaar geword het? Een wat boonop spelers beloon wat baie woorde ken en weet hoe om hulle te spel?

Eens op 'n tyd was akkurate spelling tesame met 'n juiste woordkeuse en die handhawing van whoever se idee van 'n “gestandaardiseerde" vorm van 'n taal (en nog meer so van Die Taal) 'n gerekende aanduiding van iemand se opvoeding en intellektuele dissipline. Hoe kan ons die res van jou betoog ernstig opneem as jy nie eens weet hoe om “interessante" of “intelligente" te spel nie, of dat “op pad" twee woorde is?..

DEEL