Esther Mahlangu: ‘Dis in my hart en in my bloed om te verf’

NIE so lank gelede nie het Ndebele-vroue nog in die lug opgekyk as ’n vliegtuig oorvlieg terwyl hulle besig is om die mure van hulle huise in die landelike gebiede te verf. 

Om in ’n vliegtuig te vlieg was ’n byna onmoontlike droom, want apartheid het hulle na die buitewyke gedwing en hulle arm en ongeletterd gehou.

Baie van die vroue is geïnspireer om abstrakte beelde van hierdie vliegtuie in hulle muurkuns te inkorporeer. Dit is “ufly" genoem en het ’n gewilde ontwerp geword, ’n begeerte vir ’n beter toekoms...