Daar’s niks wat ’n groter toelae en ’n bietjie meer skuld nie kan regmaak nie

JV van U. skryf: Ek besit ’n klein onderneming wat rolstoele uitverhuur vir gebruik deur die bejaardes van ons nedersetting in landelike KwaZulu-Natal terwyl hulle namens hulle kleinkinders in die ry wag vir hulle Sassa-uitbetalings. Nadat ons gemeenskap ook onlangs onder die vloede deurgeloop het, het ek ’n kans gevat en ’n tender by die provinsiale departement van onderwys ingedien vir die verskaffing van 20 jet skis wat passasiers kan dra om kinders by hulle skole te kry. Tot my verbasing is die tender aan my toegestaan, maar ek sukkel nou vreeslik om die genoemde toerusting iewers in die hande te kry. Kan jy dalk help?

Beste JV

My raad aan entrepreneurs is altyd om eers doodseker te maak dat hulle wel die produk kan lewer voordat hulle tender, maar ek verstaan ook dat dit in 'n mededingende omgewing nie altyd moontlik is nie. Wie nie waag nie, kan nie wen nie!..