Oor mense en dinge wat soos vel kom kleef

SÓ LYK 'N VROU

Oor mense en dinge wat soos vel kom kleef

Sy skryf hulle op, sê ANASTASIA DE VRIES, omdat sy bang is hulle word saam met hulle storie in die grond ingespit. Omdat sy bang is sy vergeet.

EK skryf, sê ek vir iemand wat gevra het, oor mense en dinge wat soos vel aan my kom kleef. Omdat ek bang is hulle word saam met hulle storie in die grond ingespit. Omdat ek bang is ek vergeet. Ek skryf hulle op, soos mens die geskiedenis. Ek teken hulle aan sodat ek kan wéét.

Van ’n vrou, op ’n mooie dag, gebalde vuis in die lug, haar arm pylreguit, ’n streep wat getrek is. Genoeg! Só lyk ’n vrou wat haarself vrygemaak het. Sy’t ’n boek daaroor geskryf, oor vier dekades se hel saam met ’n man wat ewige trou en respek aan haar gesweer het. Tot die eerste houe, die eerste gifpylwoorde soos bitter spoeg in haar gesig. Veels te veel dekades lank. ’n Geheim in skaamte en skande toegedraai.

Jy sal dit nie glo nie, sê ek later vir my boekste hartsvriendin Belinda, jy sal dit net nie glo nie. Jy het haar boek (https://lapa.co.za/Skrywer/ilse-verster.html) gelees, jy weet, van haar, van die swaar en die pyn en die vernedering en die stilbly wat jou menswees bietjie vir bietjie by jou steel. Maar jy sal dit nie glo nie, sê ek, haar nou. Gee kans, sê Belinda, jy gaan haar mos opskryf. Vir Ilse, Ilse Verster. Mooi vrou, sê ek, waterpas skouers, fier, regop, trots, pure warrior woman met ’n ongelooflike sagte gesig, haar eens gebreekte lyf keurig in broek en baadjie, die fyn serp om haar hals. Haar oë. Daar’s soveel vuur en magic in haar oë, agter die pyn van onthou, die trane wat sy soms nie kon keer nie. Ek vertel hoe sy langs my kom staan het, ons het in mekaar se oë gelag toe lig sy haar vuis, styf geklem, arm pylreguit, hoog die lug in. “Ek is nog Ilse,” het sy gefluister...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.