Die sertifikaat op Tana Waitoki se kis

ALMAL wen deesdae. Selfs as jy nie eerste kom nie, kry jy in ieder geval ’n prys of sertifikaat vir hard probeer, vordering of ten minste vir deelname. Of, soos daai toekenning wat Homer Simpson op ’n slag gekry het, vir “outstanding achievement in the field of excellence”.

In my kinders se laerskoolsportspanne het jy selfs ’n prys gekry sommer omdat dit jou beurt is. Die speler-van-die-dag-prys is ná elke hokkie- of basketbalwedstryd aan iemand anders toegeken. Die kinders het gou-gou agtergekom hoe die stelsel werk.

Nou nie dat alle pryse so betekenisloos is nie. Maar ook vir die ander is die oorhandiging nie noodwendig die glorieuse geleentheid waarop jy sou hoop nie, het ek eerstehands geleer...