Boeke | Distopiese Kaapstad, gedwonge selibate, en ’n kleindorpskandaal

Distopiese roman soos ’n klap teen die kop

It doesn’t have to be this way deur Alistair Mackay

Dis asof die aanbod van distopiese romans groei in die verwarrende dae waarin ons leef, met die kroonpes (Dominique Botha se woord), oorlog in Oekraïne en ons regering se korrupte onbevoegdheid. Romans oor ’n post-apokaliptiese wêreld moet hul storie ken om kers vas te hou by onder meer Kate Atkinson en Margaret Atwood s’n. By ons was daar Koors deur Deon Meyer (na my mening heeltemal onderskat) en ander. En nou hierdie onweerstaanbare ontploffing van ’n boek oor Kaapstad nadat die planeet se weer ineengestort het, soos Eskom dreig om te doen...