Waarom #AlbeiKanteVanDieSaakHetMeriete nie ’n ding op Twitter is nie

IN April was dit die Nazi’s. Nou’s dit die kommuniste. Die Gestapo wat die land gebraaide hoender ontsê het, haal nie meer die nuus nie en is vervang deur die hamer en sekel – wat darem uiteindelik by hardewarewinkels te koop is – van volskaalse Stalinisme. Suid-Afrika, lees ek amper elke dag, het die Sowjetunie geword.

Ek moet sê ek vind dít nogal moeilik om te glo, onder meer omdat die Sowjetunie kragstasies gebou het wat gewérk het en die meeste Sowjet-kindertjies kon lees en skryf teen die tyd dat hulle tieners was.

Waar die vergelyking egter heeltemal in duie stort, is by die andersdenkendes. In die USSR was jy ’n teiken as jy die regerende Politburo gekritiseer het. Hier by ons maak dit van jou die administrateur van ’n Facebook-groep. ..