‘AM-per’ dink almal Ace Magashule is ’n opperste skurk

DIE Gautengse sakeman Edwin Sodi is die versinnebeelding van die Suid-Afrikaanse tenderpreneur. Hy hou van luukse motors, en by sy paleisie by die see – in die spoggerige Zimbali-landgoed aan die noordkus van KwaZulu-Natal – is daar meer partytjies as by 'n troubestemming in Muldersdrift. 

Dié partytjies is klaarblyklik ook die ideale platform om nuwe vriendskappe met invloedryke kamerade te smee. (Dis nou as jy nie daardeur afgeskrik word dat een van Sodi se sakevennote helder oordag in 'n koeëlreën in sy Bentley gesterf het nie.)

Dié pierewaaier se kelder kreun behoorlik onder bokse duur whisky en sjampanje wat hy amper weekliks aankoop. Daarvoor betaal hy meestal kontant, het Sodi, wat jy deur 'n ring kon trek in sy deftige pak klere en bypassende das en hemp, Woensdag voor die Zondo-kommissie van ondersoek na staatskaping beaam...