Shilowa: Die ANC kan net oorleef as die vrot kolle uitgesny word

STADSJAPIE MET PLAASWORTELS

Shilowa: Die ANC kan net oorleef as die vrot kolle uitgesny word

Mbhazima Shilowa was eens 'n groot gees in die politiek. Eers as sekretaris-generaal van Cosatu, mettertyd lang draaie in die ANC en later premier van Gauteng. Toe word hy adjunkpresident van die wegbreekparty Cope, wat in trane geëindig het. Dis nou 'n dekade sedert hy die partypolitiek vaarwel geroep het, maar ANNELIESE BURGESS vind by hom uit hoekom die politiek hóm nie verlaat het nie, oor sy liefde vir jazz, en waarom Twitter vir hom 'n prettige plek is.

ONS gesprek hak en tak 'n bietjie aan die begin, want hy ry van Tzaneen na sy “village" in Limpopo. Die sein is nie te waffers nie, maar tussen die “kan jy my nou hoor?" en “wag, hier kom 'n bergpas" gesels ons oor sy hartstog vir die natuur, die ANC se leierskapsprobleme en hoe baie hy daarvan hou om mielies te plant op die plasie in Limpopo wat al sedert die 1920's aan sy familie behoort.

Shilowa was nog altyd vir my meer as lewensgroot – nie net wat sy fisieke teenwoordigheid betref nie, maar ook wat sy politieke persoonlikheid betref. Die voormalige sekuriteitswag wat 'n vurige vakbondleier word en later die premier met die mooi snyerspakke, maar met rooi sokkies en 'n werkerskeps daarby uit erkenning vir sy SAKP-lidmaatskap.

Die man met die groot vernuwingsplanne – onder meer die sogenaamde Shilowa Express oftewel Gautrain. En uiteindelik die beginselvaste besluit om die ANC te verlaat ná die Thabo Mbeki/Jacob Zuma-uitval, wat toe op bietjie van 'n boggerop uitgedraai het (maar meer hieroor later)...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X