Nederland en slawe: die ménse-stories, van Asië tot Suid-Afrika (en Brasilië)

TOE Angela van Bengale – eens 'n slaaf van Jan van Riebeeck – in 1720 sterf, was sy 'n baie ryk vrou.

Sy is oorspronlik in Indië tot slaaf gemaak en na Indonesië (destyds Batavië) verskeep voordat Van Bengale en haar drie kinders in 1656 op die Amersfoort na die Kaap geneem  is. Daar het die skip se Nederlandse kaptein, Pieter Kemp, haar aan Van Riebeeck verkoop. Toe dié vyf jaar later verkas, verkoop hy haar weer  – dié keer aan ene Abraham Gabbema. Sy is in 1666, met Gabbema se terugkeer na Nederland, vrygelaat en is met die vryburger Arnoldus Basson getroud. Van Bengale het sy eiendom geërf toe hy doodgaan en het die eerste vrou in Suid-Afrika geword wat grond besit het.

Met haar dood het Van Bengale, wat as knap sakevrou ontpop het ná haar vrylating, 14,000 gulde (sowat €150,000 of R24 miljoen in vandag se geldwaarde) aan haar kinders en kleinkinders in Suid-Afrika nagelaat. ..