SA het groot potensiaal vir groen waterstof – selfs vir uitvoer

SUID-AFRIKA het die potensiaal om ’n uitvoerder van groen waterstof te word en sy kweekhuisgasvrystellings met 70% te verminder as die land die geleenthede in die waterstof-ekonomie sou benut, danksy volop son en wind.

Dít is die sleutelbevinding van ’n verslag deur die internasionale inligtingskonsultant IHS Markit. Die maatskappy het ’n studie gepubliseer wat deur ’n Duitse dinktenk vir groen energie, Agora Energiewende, befonds is.

Waterstof, wat vervaardig word deur ’n elektriese stroom deur water te stuur, word as groen beskou wanneer die elektrisiteit wat gebruik word deur die aanwending van hernubare energiebronne gegenereer word. Dit word ’n al hoe belangriker energiebron in ’n wêreld wat na skoner brandstowwe en laer koolsuurgasvrystellings soek...