G7: Just don’t mention the wors

HIPPIE-SJIEK-BERAAD

G7: Just don’t mention the wors

Die eerste beraad van wêreldleiers sedert die uitbreking van die pandemie was 'n jolige partytjie in die suidwestelike uithoek van Engeland. En soos baie ander mense het hulle ná iets te ete en te drinke vergeet om afstand tussen hulle te hou, en van maskers was daar nie juis sprake nie. Soos met enige goeie familiebyeenkoms was daar 'n twis, skryf ADRI KOTZÉ, maar ook verligting dat die heel skoorsoekerigste oom dié slag afwesig was.

SOOS wat boodskappe agter op presidentsvroue se baadjies gaan, was die een wat Jill Biden op die strand in Cornwall in silwer knoppies uitgespel het, 'n blatante affêre: LOVE, het dit in vet, swart letters in die silwer blok op die rug van die swart kledingstuk verkondig. 

Ons het natuurlik nie veel om dit mee te vergelyk nie. Die gades van presidente en premiers en eerste ministers (want daar is tog manlikes ook, al was Angela Merkel weer die enigste vrou op die pas afgelope beraad van sewe Vreeslik Vername Wêreldleiers) is gewoonlik meer subtiel. 'n Kledingstuk dalk van 'n ontwerper van 'n gasheerland, 'n nasionale blom of tooisel of kleur. Nie 'n slagspreuk nie. 

Dus kon 'n mens nie help om Melania Trump se groen baadjie van 2018 met die woorde “I Really Don't Care, Do U?" in herinnering te roep nie.  Het dr. Biden wraggies haar voorganger in die Withuis op die wêreldwye verhoog getrol? ..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.