Moenie nóú maak of julle Babita Deokaran waardeer het toe sy nog ...

’N PLEK OP DIE EREROL

Moenie nóú maak of julle Babita Deokaran waardeer het toe sy nog geleef het nie

Sy was ’n dapper staatsamptenaar wat gejag is deur mense wat haar uit die pad wou kry sodat hulle hul korrupte aktiwiteite kon voortsit. Hoewel sy soveel meer verdien het, is sy eers ná haar dood vereer, skryf NICOLE FRITZ.

ONS praat baie oor openbare diens in dié land, veral oor hoe dit ontbreek. Diegene wat die staat gekaap het, het dit vermom gedoen: in die gewaad van openbare diens. Jy kan ons dus vergewe as ons taamlik sinies is, as ons dink openbare diens is alles net ’n voorwendsel; oëverblindery waarin die ryk word van enkeles, nie diens aan die groter publiek nie, die mikpunt is.

Maar deur só te dink sal ’n mens ignoreer hoe waarlik uitsonderlik sommige van Suid-Afrika se staatsamptenare is. Een van hulle was Babita Deokaran, hoofdirekteur van finansiële bestuur in die Gautengse departement van gesondheid. Haar moedige diens het skynbaar vereis dat sy die hoogste prys betaal: Sy is Maandagoggend buite haar huis in Johannesburg doodgeskiet pas nadat sy haar dogter by haar skool gaan aflaai het.

Alles in hierdie voorval dui op sluipmoord. Verskeie skote is na bewering op ’n kort afstand deur ’n motorruit op haar gevuur en geen waardevolle items, soos haar selfoon en skootrekenaar, is uit die motor geneem nie...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.