SA Weermag is oral behalwe in Mosambiek waar die aksie is

GENERAAL HET DAREM AL IN HOTEL INGEBOEK

SA Weermag is oral behalwe in Mosambiek waar die aksie is

Meer as 'n maand en 'n half nadat die ontplooiing van Suid-Afrikaanse soldate in Mosambiek goedgekeur is, sit die hoofmag steeds by die weermag se Gevegopleidingsentrum by Lohatla in die Noord-Kaap. Maar daar is darem een Suid-Afrikaner wat onlangs stilweg tot in Mocímboa da Praia in die verre noorde van Mosambiek baanbrekerswerk gedoen het, skryf ERIKA GIBSON.

PRES. CYRIL RAMAPHOSA het in Julie die aanvanklike ontplooiing van 1,495 soldate vir die Suider-Afrikaanse Ontwikkelingsgemeenskap (SAOG) se missie in Mosambiek (Samim) vir drie maande vanaf 15 Julie in 'n  skriftelike kennisgewing aan die parlement goedgekeur. Die weermag het daarna die ontplooiing bevestig asof die hele mag reeds aan’t mobiliseer was. Enkele konvooie van gevegsvoertuie, koeltrokke, veldambulanse en ondersteuningsvoertuie is daarna in sosiale media gerapporteer.

Die Angolese lugmag se grote Ilyushin 76 en die lugmag se twee Hercules C130’s het nag vir nag gevlieg om vermoedelik toerusting en voorrade na Pemba, die hoofstad van Cabo Delgado, te neem.

Intussen was die weermag nog aan die vrede maak in KwaZulu-Natal ook, meestal om te keer dat onluste-brandpunte weer opvlam. Trouens, die weermag was bitter dun uitgerek om by alles wat op een slag van hom verwag is uit te kom...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X