Spesmagte se alleenstryd in Mosambiek

TOE kpl. Tebogo Radebe op 20 Desember 2021 in Mosambiek in aksie gesterf het is, was dit die eerste keer sedert 4 April 1989 (in die doodsnikke van die Grensoorlog) dat ’n lid van Suid-Afrika se spesmagte in operasionele omstandighede dood is.

Die Suid-Afrikaanse Nasionale Weermag (SANW) is verlede jaar met groot fanfare as deel van die Suider-Afrikaanse Ontwikkelingsgemeenskap (SAOG) se gesamentlike mag (Samim) in Operasie Vikela teen die Islamitiese insurgente in die noordelike Cabo Delgado-provinsie in Mosambiek ontplooi.

Maar in werklikheid is dit slegs ’n klein groepie spesmaglede wat sedert Julie verlede jaar aan die skerp punt van die stryd in aksie was, sonder dat hulle deur enige ander magte uit Suid-Afrika afgelos is. Hulle veg met minimale lugsteun in onherbergsame oerwoudtoestande waar die vyand enige oomblik kan toeslaan...