DIT het nou dringend noodsaaklik geword dat die African National Congress en die Nasionale Party-regering bymekaar kom om die swart aandrang op meerderheidsregering in 'n eenheidstaat en die blankes se vrese hieroor te versoen, sê die ANC-Ieier Nelson Mandela.

In 'n memorandum wat hy op 13 Desember verlede jaar tydens sy ontmoeting in Tuynhuys aan staatspresident FW de Klerk oorhandig het, sê Mandela: “So 'n versoening kan net bereik word as albei partye bereid is om 'n kompromis aan te gaan."

Dié memorandum van 10 bladsye is positief deur De Klerk en sy regering ontvang en het klaarblyklik gehelp dat Mandela se vrylating waarskynlik volgende week aangekondig gaan word...