Volodymyr vs. Vladimir: Zelensky, ’n rare staatsman in ’n oorlog oor die waarheid

DIT is dag 13 van die Russiese aanslag. Die Britse Laerhuis is gepak. Sommige staan, ander sit op die grond in die gangetjies. Daar is 'n geritsel van afwagting. Volodymyr Zelensky is die eerste buitelandse leier in die geskiedenis wat die Laerhuis direk sal toespreek.

Die Speaker stel die president van Oekraïne aan die woord en die 44-jarige Zelensky verskyn op twee kleinerige skerms aan weerskante van die parlement. Hy dra 'n olyfgroen T-hemp en sit agter 'n lessenaar. 'n Landsvlag is die enigste spatsel kleur teen die andersins gestroopte wit agtergrond.

Hier was nog nooit 'n staande toejuiging nie (om hoegenaamd hande te klap is teen die staande reëls), maar vandag is die hele huis op hulle voete nog voordat Zelensky kan praat. ..