DEKADES se vooruitgang wat gemaak is om ’n hoë immuniseringsdekking vir die algemeenste kindersiektes wêreldwyd op te bou, kan verlore gaan omdat sogenaamde “alternatiewe feite” geneeskunde probeer troef.
Die Amerikaanse Sentrum vir Siektebeheer (CDC) het pas sy jongste syfers bekendstel. Daar is nou reeds 465 bevestigde maselsgevalle in 19 state, die meeste sedert masels in 2000 daar geëlimineer is. Intussen het New York hierdie week 'n gesondheidsnoodtoestand in Brooklyn verklaar en masels-immunisering daar verpligtend vir almal gemaak. Inwoners moet hulself binne 48 uur laat immuniseer of hulle staar 'n boete van $1 000 in die gesig.
Verlede jaar het 80 000 mense in Europa masels gekry, van wie 61% in die hospitaal beland het, volgens die jongste beskikbare data wat in Februarie in die British Medical Journal-vakjoernaal gepubliseer is. Daar is nou uitbrekings in onder meer Amerika, die Filippyne, Madagaskar, Ukraïne.
Dr. Melinda Suchard, die hoof van die sentrum vir entstowwe en immunologie aan die Nasionale Instituut vir Oordraagbare Siektes, sê: “Masels kan vir 10 tot 15 jaar in die brein bly, weer aktief raak en ensefalitis veroorsaak. Masels maak mý bang.
“Dit maak kinders dood. Dit is baie riskant vir hulle omdat dit ’n onvoorspelbare siekte is. Dit kan enige iemand wat dit infekteer, doodmaak; dit kan tot blindheid lei . . . Masels is ’n baie ernstiger siekte as van die ander kindersiektes, soos waterpokkies, en soms besef ouers nie die verskil nie. Dit is algemeen om ernstige komplikasies soos breinvliesontsteking daarvan te ontwikkel,” sê Suchard.
Breinskade en lewenslange gestremdheid is nog ’n werklikheid van ’n siekte wat sekere mense dink skadeloos is.
Prof. Shabir Madhi, ’n kenner van entstowwe aan die Universiteit van die Witwatersrand en die direkteur van die Mediese Navorsingsraad se navorsingseenheid vir respiratoriese en meningeale patogene, sê daar is verskillende groepe mense wat daartoe bydra dat kinders nie immuniserings ontvang nie...
Registreer gratis om hierdie artikel te lees.
Hallo! Welkom by Vrye Weekblad. Ons inhoud is nou in Afrikaans én Engels beskikbaar.
Al wat jy hoef te doen om gratis te begin lees, is om met jou e-pos te registreer en ’n wagwoord te skep.
Om dit te doen, kliek eenvoudig op “REGISTREER”.
Reeds geregistreer? Kliek op “MELD AAN” om voort te gaan.
Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.