Elf vindingryke idees om ons die toekoms in te neem

1. Entstowwe teen Covid-19: Minder as ’n jaar nadat Sars-CoV-2 as ’n nuwe coronavirus geïdentifiseer is, is Pfizer en BioNTech se entstof deur die gesaghebbende Amerikaanse Food and Drug Administration (FDA) goedgekeur en aan die eerste ontvangers toegedien. Boonop is daar minstens drie afsonderlike entstowwe wat potensiaal het vir wye gebruik, asook sowat 200 ander wat moontlik doeltreffend is, maar nie noodwendig om FDA-goedkeuring sal aansoek doen of dit sal kry nie.

So primitief soos ons basiese voorkomende maatreëls teen die nuwe virus is – maskers, hande was en afstand – so gesofistikeerd is die tegnologie agter die ontwikkeling van ’n moderne entstof, wat in die Pfizer-BioNTech-produk se geval ’n doeltreffendheid van sowat 95% het. Ander suksesvolle entstowwe, soos dié teen pokke, tifus, geelkoors, griep, polio, masels, Duitse masels, pampoentjies, waterpokkies en Hepatitis B, het in sommige gevalle dekades geneem om ontwikkel en verfyn te word.

Soos dr. Stephen Griffin van Leeds-universiteit dit oor die Covid-entstowwe aan The Guardian gestel het: “Dié verstommende vordering in die ontwikkeling van ’n entstof tot by die punt waar dit aan mense toegedien kan word, stel sekerlik ’n nuwe standaard vir wat bereik kan word as genoegsame hulpbronne en wetenskaplike fokus op globale gesondheid van toepassing gemaak word.”..

DEEL