Nee, ek gaan nié vir julle ’n afskrif van my ID e-pos nie

STUUR asseblief ’n afskrif van jou ID of paspoort vir ons, word ek dikwels gevra. Soms is dit vir ’n aansoek, of iets soos ’n vlugbespreking. My antwoord is altyd nee.

Want, antwoord ek gewoonlik op die e-pos, ek hou nie eens ’n digitale weergawe of foto van hierdie uiters belangrike dokumente op my eie toestelle nie, laat staan nog iets so dwaas doen as om dit per e-pos vir iemand anders te stuur.

Die meeste ondernemings is uit die veld geslaan deur my reaksie. Sommige probeer my gerusstel met “dis hoe ons dit nog altyd doen” of “ons het nog nooit ’n probleem gehad nie”...