’n Bloedrooi swaan

I

Onder ’n bloedrooi hemel: Liefde en geweld in Suid-Afrika: ’n Memoir deur Annemarié van Niekerk is ’n besondere teks. Dit het my geneem na die moord op die Kanadese digter Pat Lowther (1935 – 1975), wat deur haar man om die lewe gebring is. Haar digbundel A Stone Diary is in 1977 gepubliseer en het wyd reaksie in die media ontlok.

Carol Shields fiksionaliseer hierdie voorval in Swann: A Mystery (1987) met vier karakters: ’n feministiese literêre kritikus, ene Sarah Maloney; die digter se biograaf, Morton Jimroy; ’n dorpsbibliotekaresse, Rose Hindmarch; en ’n koerantjoernalis en uitgewer, Frederic Cruzzi. Op ’n kongres kom almal bymekaar en analiseer die moord op Mary Swann. Kommentaar op literatuurkritiek en die impak van moord. ’n Sogenaamde wraakroman. En eweneens ’n satire van akademiese byeenkomste en hoe elkeen ’n ander aspek van ’n lewe en talent raaksien...