* Rupert Koopman is die nasionale bewaringsbestuurder van die Botaniese Vereniging van Suid-Afrika. Hy beskou dit as sy lewenswerk om die biodiversiteit van die land se blommeryke te beskerm en terselfdertyd Suid-Afrikaners te help om ons plante te ken, kweek, bewaar en geniet. Hy is betrokke by verskeie vindingryke benaderings tot die viering van die unieke eienskappe van ons plantegroei. Hy en sy vrou, Florence de Vries, en hul vyfjarige dogtertjie is lief vir reis en die natuurskoon.
* Florence de Vries is 'n kommunikasiespesialis aan die Universiteit Stellenbosch. Sy het haar loopbaan begin as finansiële verslaggewer by Media24 en later Independent Newspapers voor sy die korporatiewe kommunikasiewêreld in 2011 betree het. Sy het haar voorgraadse studies in 2003 aan die Universiteit van Kaapstad voltooi en 'n meestersgraad in die joernalistiek aan die Universiteit Stellenbosch in 2008 verwerf. Sy en haar man en hul vyfjarige dogtertjie woon in Kaapstad se noordelike voorstede.
UIT DORRE AARDE 'N ONTPLOFFING VAN KLEUR
Die Maartblom-pelgrimstog
As duisende van dié flambojante bolplante sommerso uit die harde, droë grond bars, en as jy jou oë vir ’n oomblik moet sluit omdat jy per ongeluk die sonstrale ook ingesluk het, giggel die lank en vrolik uitgestrekte arms van die kandelaarblom steeds in jou binneste, skryf RUPERT KOOPMAN en FLORENCE DE VRIES.
Deel
VIR party mense is Paasnaweek se reën die eerste klinkklare teken dat die somer uiteindelik gegroet het. Vir botaniste en ander plant-liefhebbers is dit die skouspelagtige ontploffing van die Maartblomfamilie (Amaryllidaceae) wat in die Wes- en Noord-Kaap prominent is. Uit dorre aarde en deur gras en ander plante wat nog weens die somerhitte vaalgebak lê, tref dié helder rooi en pienk juwele onmiddellik die oog.
Die groot showstopper is die Nieuwoudtville-streek se tapyte vol pienk Maartblomme (Brunsvigia bosmaniae), ’n wydverspreide bolplant wat hoofsaaklik in die winterreënvalstreek van Suid-Afrika voorkom. Dit is nie die grootste nie (want die lantanter – Brunsvigia josephinae (%20http:/pza.sanbi.org/brunsvigia-josephinae) – troon bo hom uit) of die mooiste (dis immers ’n kwessie van smaak) kandelaarblom nie maar hier teen die koppies van Nieuwoudtville – die wêreld se die bolplant-hoofstad – kraai hulle koning.
Terwyl ek en my gesin ’n tas pak vir ’n naweek weg na die Tankwa-Karoo, sien ek ene Hendrik van Zijl plaas iets op Facebook oor die toweragtige 10mm reën wat Nieuwoudtville vroeg in Maart kom seën het. En só begin my stille planne vir ’n wye draai huis toe. My WhatsApp-boodskappe aan my ou vriend Eugene Marinus, die kurator van die Hantam Nasionale Botaniese Tuin in Nieuwoudtville, lui: “Wat sê jou gut oor Brunsvigia daar by julle?” Hy antwoord: “Cautiously optimistic. As die blomme wél blom, gaan hulle teen 22 Maart op hulle piek wees.” Ek glimlag breed. Eugene, wat amper 20 jaar in die Hantam-Karoo met veldwerk doenig is, se instinkte is nooit verkeerd nie...
Slegs Vrye Weekblad-intekenare kan hierdie artikel lees.
Teken nou in vir volle toegang tot alle Vrye Weekblad-inhoud.
Reeds ’n intekenaar? Kliek “Meld aan” om voort te gaan
Vir nuwe VWB 3.0-navrae: WhatsApp 082 897 2721 (net vir teksboodskappe) of stuur 'n e-pos aan hulp@vryeweekblad.com.
Deel
-
Deel
-
-
-
-
-
-
Volgende artikelRupert Koopman en Florence de Vries
Bewaringsbestuurder en kommunikasiespesialis* Rupert Koopman is die nasionale bewaringsbestuurder van die Botaniese Vereniging van Suid-Afrika. Hy beskou dit as sy lewenswerk om die biodiversiteit van die land se blommeryke te beskerm en terselfdertyd Suid-Afrikaners te help om ons plante te ken, kweek, bewaar en geniet. Hy is betrokke by verskeie vindingryke benaderings tot die viering van die unieke eienskappe van ons plantegroei. Hy en sy vrou, Florence de Vries, en hul vyfjarige dogtertjie is lief vir reis en die natuurskoon. * Florence de Vries is 'n kommunikasiespesialis aan die Universiteit Stellenbosch. Sy het haar loopbaan begin as finansiële verslaggewer by Media24 en later Independent Newspapers voor sy die korporatiewe kommunikasiewêreld in 2011 betree het. Sy het haar voorgraadse studies in 2003 aan die Universiteit van Kaapstad voltooi en 'n meestersgraad in die joernalistiek aan die Universiteit Stellenbosch in 2008 verwerf. Sy en haar man en hul vyfjarige dogtertjie woon in Kaapstad se noordelike voorstede.