Sien jou alie se ware waarde

EK het van kindsbeen af ’n swak vir ’n gevatte parodie en ’n advertensie met dimensie. Een van my huidige gunstelinge is ’n vermaning van ’n plaaslike beleggingsbestuursgroep om vroeër eerder as later te begin spaar. Die temamusiek streel slinks die sentimente van ’n generasie wat die spot verstaan: die fliekteater-sigaretadvertensie wat belowe dat Peter Stuyvesant jou internasionale paspoort tot rookgenot is.

Die oorspronklike reeks advertensies beeld ’n groep jong, glansryke stralerjakkers uit wat ná elke sportnommer ’n silla gryp voor hulle oorgehaal is vir die volgende avontuur. Die konsep agter die advertensies was basies al die plekke waarheen Peter Sarstedt se lovely sou gaan, sonder die traumatiese verlede in die agterstrate van Napels en ’n uitbeelding van haar alleen in haar bed.

Die nuwe advertensie wys bejaardes wat probeer om by hul emmerskop-lys se aktiwiteite by te hou, op maat van die adrette Stuyvesant-kenwysie. Sigarette word vir uitputting en ’n gesnork verruil. Dis parodie-goud...