×

Ons het nuus vir jou.

Registreer gratis op Vrye Weekblad en ontvang nuusbriewe per e-pos, lewer kommentaar en meer.
Registreer nou
Die ANC se heimweebende is steeds dronk van Sowjet-Kool-Aid

RAMAPHOSA DRAAI IN DIE ROOK

Die ANC se heimweebende is steeds dronk van Sowjet-Kool-Aid

Suid-Afrika, wat self in ’n stadium ’n uitgeworpene was, het nou die kant van ’n uitgeworpe staat, Rusland, gekies en na die morele bankrotskap van die Zuma-bewind teruggekeer. Ons land bly verlore in die newels van oorlog, skryf ISMAIL LAGARDIEN.

RUSLAND se inval in Oekraïne en die oorlog in Europa se verre suidoostelike hoek veroorsaak ’n uitkringeffek van polities ekonomiese, geostrategiese en humanitêre probleme vir lande duisende kilometers weg van daardie teater van oorlog.

Die oorlog het ook sy spreekwoordelike streep in die sand getrek, maar die afgelope twee dekades se winde van globale verandering het daardie streep verdof. Die aanpassings in die streep, wat ek jare lange historiese en sosiale veranderings noem, is wat Vladimir Putin verkeerd gelees (https://www.newyorker.com/news/daily-comment/putins-historic-miscalculation-may-make-him-a-war-criminal) het – ’n fout wat pres. Cyril Ramaphosa met sy stilswyende ondersteuning van die Russiese leier herhaal het.

Feitlik onmiddellik nadat Rusland Oekraïne binnegeval het, het Naledi Pandor, minister van internasionale betrekkinge en samewerking (Dirco), kleigetrap. Ná ’n oproep deur haar departement vir ’n Russiese onttrekking het die ANC se heimweebende, steeds dronk van Sowjet-Kool-Aid, dié minister na die vae streep teruggetrek. Pandor moes ná haar sterk verklaring druipstert na die party se pype dans en ’n taamlik betekenislose verklaring (https://www.dailymaverick.co.za/article/2022-02-27-pretoria-scrambles-to-repair-relations-with-russia-after-calling-for-invasion-force-to-leave-ukraine/) ondersteun nadat Ramaphosa gesê het haar streng afkeuring van Russiese aggressie het Suid-Afrika se beleid weerspreek. Die feit is dit is inderdaad die ANC se beleid – en dit eggo Ace Magashule se stelling dat ANC-lede nie toegelaat (https://mg.co.za/article/2018-02-13-anc-members-cant-vote-with-their-conscience-in-motion-of-no-confidence-magashule/) word om volgens hul gewete te stem nie, maar net op grond van partybeginsels. Intussen het Jacob Zuma met al sy twyfelagtige sedes Putin as “’n man van vrede (https://www.timeslive.co.za/politics/2022-03-07-zuma-weighs-in-on-russia-and-ukraine-conflict-says-man-of-peace-putins-response-justified/)” beskryf...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 November af sal jy ’n subskripsie kan uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.