Aftrede: romanse, frustrasie en die klein jakkalsies van ...

VEEL MEER AS FINANSIËLE BEPLANNING

Aftrede: romanse, frustrasie en die klein jakkalsies van skottelgoed

Dit word as die ‘goue jare' voorgestel; 'n tyd van geluk ná jare se geswoeg. Die werklikheid is dat aftrede geen rooskleurige gedoente is nie, skryf JEANNE PRINSLOO, wat pas afgetree het nadat haar opleidingskontrak ná 16 jaar oornag gekanselleer is. Maar as jy aanhou lag en wil waag, kan jy dalk net jouself leer ken en ’n avontuur of twee hê.

“MAAR wat sal ek heeldag doen?” reageer my vriend op my vraag of hy al weet wanneer hy wil aftree. “Waarmee hou jý jou elke dag besig?” wil hy dan effens driftig weet nog voordat hy my vraag geantwoord het. 

Aftrede herinner my aan die storie van Alice in Wonderland waarmee baie van ons baby boomers, wat juis nou op aftrede staan, grootgeword het. Die verhaal, soos vertel deur Lewis Carroll, begin met Alice wat op die oewer van ’n rivier sit wanneer ’n wit haas skielik verby hardloop. Alice volg die hasie instinktief na die gat waar hy bly en val dan na benede. Tyd en swaartekrag word tydelik opgehef sodat sy die rakke en voorwerpe teen die wand van die tonnel kan verken. Aan die einde van die tonnel bevind sy haar in 'n lang vertrek, omring deur toe deure. Alice ontmoet ongelooflike karakters en fantastiese avonture wag op haar.

Alhoewel Carroll waarskynlik die storie geskryf het om kommentaar te lewer op sekere fasette van grootword, is dit vir my ’n analogie vir aftrede: As jy bereid is om te waag en nuwe paaie te verken, kan jy ’n oneindig verrykende en baie vervullende ervaring hê...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.